Remedies For Leg Cramps At Night | Boldsky Kannada

ರಾತ್ರಿ ಸುಖ ನಿದ್ದೆ ಕಣ್ಣಿಗೆ ಹತ್ತಿರುತ್ತದೆ, ಅಷ್ಟೊತ್ತಿಗೆ ಕಾಲಿನಲ್ಲಿ ಅದೇನೋ ಸೆಳೆತ ಉಂಟಾಗುತ್ತದೆ. ಆ ನೋವನ್ನು ಅವುಡುಗಚ್ಚಿ ಸಹಿಸಬೇಕೆಂದು ಬಯಸಿದರೂ ಆಗುವುದಿಲ್ಲ, ನೋವಿನಲ್ಲಿ ಕಿರುಚದೇ ಇರಲು ಸಾಧ್ಯನೇ ಆಗುವುದಿಲ್ಲ. ನಿಮ್ಮ ಕಿರುಚಾಟಕ್ಕೆ ಮನೆಯವರು ಎಚ್ಚರವಾಗಿ ಬಂದು ಕಾಲಿಗೆ ಏನಾದರೂ ಮಸಾಜ್‌ ಮಾಡಿದರಷ್ಟೇ ಕಡಿಮೆಯಾಗುವುದು.

ಈ ರೀತಿಯ ಸಮಸ್ಯೆ ಶೇ.60ರಷ್ಟು ವಯಸ್ಸಾದವರಲ್ಲಿ ಕಂಡು ಬರುತ್ತದೆ ಹಾಗೂ ಕೆಲ ಗರ್ಭಿಣಿಯರಲ್ಲಿ ಕಂಡು ಬರುತ್ತದೆ. ಮಂಡಿಯ ಕೆಳಗಡೆಯ ಸ್ನಾಯುನ ಸೆಳೆತದಿಂದಾಗಿ ಈ ರೀತಿ ಉಂಟಾಗುತ್ತದೆ. ಕೆಲವರಿಗೆ ಅಪರೂಪಕ್ಕೆ ಉಂಟಾದರೆ, ಇನ್ನು ಕೆಲವರಿಗೆ ಪ್ರತಿದಿನ ಆಗಾಗ ಉಂಟಾಗುತ್ತಿರುತ್ತದೆ, ಹೀಗಾದರೆ ನೋವಿನ ಜೊತೆಗೆ ನಿದ್ದೆಗೆ ಭಂಗ ಉಂಟಾಗುವುದು.